ARESTADO ang 23 -anyos na lalaki na nag-post ng mga hubad na larawan ng isang dalaga na tumangging makipagtalik sa kanya sa entrapment operation sa Argao, Cebu.
Kinilala ang dinakip na si Robert Villegas Debulosan, binata, ng Canbantug, Argao.
Ayon kay PNP Chief, Gen Debold Sinas, 10:30 ng gabi nang magsagawa ng entrapment operation ang mga elemento ng Argao at Talisay Police Stations sa Poblacion ng Argao.
Isinagawa ang operasyon base sa reklamo ng 19- anyos na dalaga mula sa Talisay City nang i-post ni Debulosan ang mga hubad na litrato ng biktima sa Facebook, at messenger group chat nang tumangi itong makipagtalik sa huli.
Sinabi ng dalaga na tinatakot siya ni Debulosan na ipapakalat nito ang mga kuhang litratro sa social media kapag tumangging makipagtalik ito.
Narekober kay Debulosan ang isang mobile phone at 3 small sachet ng shabu.
Natuklasan na nagma-maintain si Debulosan ng 17 facebook accounts na ginagamit nito sa pag-akit ng mga kababaihan sa online at pagkuha ng mga hubad na larawan na kanyang ginagamit sa pangba- blackmail sa mga biktima.
Nahaharap si Debulosan sa kasong paglabag sa R.A 9995 o the Anti-Photo and Video Voyeurism Act of 2009.(Mark Obleada)
The post Lalaki nag-post ng hubad na larawan ng bebot na tumangging makipag-sex, kulong appeared first on Police Files! Tonite.
Source: Police Files Tonite
Walang komento: