Suspendido pa rin ang tradisyonal na Traslacion para sa selebrasyon ng pista ng Poong Itim na Nazareno sa Enero 9, 2023.
Ayon sa Social Communications ng Quiapo Church, bagama’t tuloy-tuloy ang ginagawang paghahanda para sa selebrasyon, siguro naman na hindi parin magsasagawa ang simbahan ng tradisyonal na Traslacion.
Dagdag pa, patuloy ang kanilang koordinasyon sa iba’t ibang ahensya ng pamahalaan para sa preparasyon ng kapistahan ng Quiapo.
Paalala ng Simbahan sa publiko at mga deboto, mag-antabay lamang sa kanilang mga anunsyo para sa mga aktibidad na ilalatag hinggil dito.
Nanatiling layunin anila na maipagdiwang ang pista ng Poong Itim na Nazareno nang maayos, at ligtas ang bawat isa.
Kaya bagama’t tuloy ang selebrasyon sa susunod na taon, kanselado pa rin ang taunang Traslacion. (Jocelyn Domenden)
The post Traslacion 2023, suspendido pa rin – Quiapo church appeared first on Police Files! Tonite.
Source: Police Files Tonite
Walang komento: